سحر الكلمات – رحلة في أعماق الروح والوجدان

كتبته…رشا عامر

عارفين الكتابه مفعولها سحرى على القلوب والأرواح والعقول والأجساد كمان عارفين دا ليه؟؟؟
لما بنيجى نكتب أنا أو إنت أو هو أو هى كل واحد فينا بيستجمع كل حرف لحد ما يجمع الكلمه والكلمه تجمع جمله وهكذا وقتها بيجمع دا كل من روحه وقلبه…وهو بيكتب بيكون صادق مع نفسه فى عالم تانى…بيحس إن روحه هى إللى بتكتب عبر أثير دقات قلبه وموجات أنفاسه المتتاليه…بنكتب واحنا سارحين
مع كل كلمه حتى العتاب لما بنكتب عنه بيكون حب بنعاتب إللى بنحبه فى كلمه مكتوبه أو حتى صوره حسينه بيها…ماهو لو مش بنحب الشخص إللى بنعتب عليه مش هنشغل روحنه ونضيع وقتنا فى الكتابه ونعصر روحنا عصر عشان نجمع كله فدا حب…لما بنكتب عن الحب والعشق والعلاقات إللى بينتج عنها معاملات بيننا فدا فى قمة العظمه والجمال…لما بنكتب عن أى شىء مهما كان نوعه ومش شرط يكون إللى بنكتبه عن تجربه إحنا إللى عشناها بنفسنا لكن كوننا نكتب عن شىء عاشه غيرنا ونعبر عنه فدا حب
إننا بنحس بألم بعض ونحس بسعادة بعض حتى لو عن طريق كلمه بنكتبها…لما نكتب عن الغدر والخيانه
دا مش معناه إننا معقدين أو العالم كله كدا لأ دا عباره عن دق جرس إنذار لغيرنا أنهم مايقعوش فى نفس الخطأ إللى وقع فيهم غيركم قبلكم…زى القرآن الكريم ما بيحكى قصص الأمم السابقه بكل أفعالهم عشان نتعظ ونتعلم…الكتابه هى العلاج الروحانى لكل ألم السعاده الروحانيه لكل لحظة حب بنعشها أو بنحلم بيها…ناس كتير ممكن متعرفش تعبر عن إللى جواها من سعاده وحزن وألم لكن لما تقرأ كلمه بتوصف إللى جواها وعيشاه بترتاح وتحس براحه نفسيه ممكن تكون الكلمه دى فيها حل لكل مشاكلها فيها أمل وقدره وتحدى وشجاعه إنها تواجه بيها الحياه وتقتل
جواها الخوف وتهزم جواها الضعف إللى متغلب عليها
الكلمه هى الدواء والعلاج الذى لا يدفع له ثمن مادى
لكنه العلاج المجانى لكل ألم نشعر به أو إكسير سعاده
لما نشعر به من حب نعيشه…عشان كدا مفعول الكتابه
بيكون سحرى على العقل والقلب والروح والجسد…
ممكن تقرأ كلمه تحرك جميع مشاعرك وجوارحك عجز
عن تحريكها شخص يعيش معك ليلاً ونهارا ولم يحرك
فيك ساكناً…